er kom in ein gevelle: done kunde eß niht wesen;
daß starke tier dô wânde vor den jegeren genesen.
Dô spranc von sîme rosse der stolze rîter guot, 890
er begunde nâch loufen. daß tier was unbehuot,
eß enkunde im niht entrinnen: dô vie erß sâ zehant;
ân alle wunden der helt eß schiere gebant.
Krazen noch gebîßen kunde eß niht den man. 891
er band eß zuo dem satele: ûf saß der snelle sân,
er brâhte eß an die viuwerstat durch sînen hôhen muot
zeiner kurzwîle, der degen küene unde guot.