dô lac vil jæmerlîche der helt von Nibelunge lant.
Dô rief trûreclîchen diu küneginne milt: 953
‚wê mir dises leides: nu ist dir doch dîn schilt
mit swerten niht verhouwen: du lîst ermorderôt.
wesse ich, wer eß het getân, ich riete im immer sînen tôt.‘
Alleß ir gesinde klagete unde schrê 954
mit ir lieben vrouwen, wande in was vil wê
umb ir edelen hêrren, der dâ was verlorn.
gerochen hete Hagene vil übele Prünhilde zorn.
Dô sprach diu jâmerhafte: ‚ir sult hine gân 955