dô kômen tûsent recken, des küenen Sîvrides man.
Dô si sô jâmerlîche die vrouwen hôrten klagen, A.963
dô wânden sumelîche, si solden kleider tragen.
jane mohten si der sinne vor leide niht gehaben:
in was michel swære in ir herze begraben.
Dô kom der künic Sigemunt, da er Kriemhilde vant. 964
er sprach: ‚ouwê der reise her in ditze lant.
wer hât mich mînes kindes und iuch des iuwern man
bî alsô guoten vriunden sus mortlîch âne getân?‘
‚Solde ich den bekennen,‘ sprach daß vil edel wîp, 965