die Sîvrides degene hêten dô zuo strîte wân.
Dô sprach aber Kriemhilt: ‚nu dolt mit mir die nôt.‘ A.988
dô kômen dise beide, dâ si in vunden tôt,
Gêrnôt ir bruoder und Gîselher daß kint.
mit triuwen si in klageten; ir ougen wurden naßßes blint.
Si weinden inneclîche Kriemhilde man. A.989
man wolde messe singen: zuo dem münster dan
giengen allenthalben man unde wîp.
die sîn doch lîhte enbâren, die weinden Sîvrides lîp.
Gêrnôt unde Gîselher sprâchen: ‚swester mîn, A.990