nu trœste dich nâch tôde, als eß iedoch muoß sîn.
wir wellen dichs ergetzen, die wîle wir leben.‘
dône kunde ir nieman trôst neheinen gegeben.
Sîn sarc was bereitet wol umbe mitten tac; A.991
man huob in von der bâre, dâ er ûfe lac.
in wolde noch diu vrouwe lâßen niht begraben:
des muosen al die liute michel arbeite haben.
In einen rîchen phelle man den tôten want. A.992
ich wæne, man dâ ieman âne weinen vant.
dô klagte herzenlîche Uote, ein edel wîp,