des sult ir niht enkelten: ich tuon iu triuwen schîn
durch iuwers mannes liebe unde des edelen kindes sîn.
‚Ir sult ouch haben, vrouwe, allen den gewalt, 1015
den iu tet ê Sîvrit kunt, der degen balt.
daß lant und ouch diu krône sî iu undertân.
iu suln gerne dienen alle Sîvrides man.‘
Dô seite man den knehten, si solden rîten dan: 1016
dô wart michel gâhen nâch rossen getân.
bî ir starken vînden was in daß leben leit.
vrouwen unde meiden hieß man suochen diu kleit.