si sprach zuo dem recken: ‚jane mag es niht geschehen.
von leide müese ich sterben, swenne ich Hagene solde sehen.‘
‚Des tuon ich dir ze râte, vil liebiu swester mîn. 1020
du solt bî dînem bruoder Gîselhere sîn.
jâ wil ich dich ergetzen dînes mannes tôt.‘
dô sprach diu Gotes arme: ‚des wære Kriemhilde nôt.‘
Dô eß ir der junge sô güetlîch erbôt, A.1021
dô begunde ouch vlêgen Uote und Gêrnôt
und ir getriuwe mâge, si bâtens dâ bestân,
si hete lützel künnes under Sîvrides man.