‚Si sint iu alle vremede,‘ sô sprach Gêrnôt. A.1022
‚niemen lebt sô starker, ern müeße ligen tôt.
daß bedenket, liebiu swester, und trœstet iuwern muot,
belîbet bî den vriunden; eß wirt iu wærlîchen guot.‘
Si lobete Gîselhere, si wolde dâ bestân. 1023
diu ros gezogen wâren Sigmundes man,
als si wolden rîten ze Niblunge lant;
dô was ouch ûf gesoumet al der recken gewant.
Dô gie hêr Sigemunt vür Kriemhilde stân: 1024
er sprach zuo der vrouwen: ‚Sîvrides man