Rüedgêr sînen dienest enbôt und Gotelint
bî in hin ze Rîne und ouch des marcgrâven kint.
Sine ließens âne gâbe von in niht scheiden dan, A.1365
daß deste baß gevüeren die Etzelen man.
Uoten und ir kinden enbôt dô Rüedegêr,
sine heten in sô wægen deheinen marcgrâven mêr.
Si enbuten ouch Prünhilde dienest unde guot, A.1366
stætelîche triuwe und willigen muot.
dô si die rede vernâmen, die boten wolden varn:
si bat diu marcgrâvinne Got von himele bewarn.