Ê daß die boten kœmen vol durch Beier lant, A.1367
Werbel der vil snelle den guoten bischof vant.
waß der dô sînen vriunden hin ze Rîne enbôt,
daß ist mir niht gewißßen: niuwan sîn golt alsô rôt
Gab er den boten ze minnen. rîten er si lie. A.1368
dô sprach der bischof Pilgerîn: ‚und solde ichs sehen hie,
mir wære wol ze muote, die swester süne mîn:
ich mac leider selten zuozin komen an den Rîn.‘
Welhe wege si vüeren ze Rîne durch diu lant, 1369
des kan ich niht bescheiden. ir silber und gewant