Dô ließ der vürste rîche, er was den boten holt, 1427
durch sîn selbes tugende tragen dar sîn golt
ûf den breiten schilten: des mohter vil gehân.
ouch wart in rîchiu gâbe von sînen vriunden getân.
Gîselher und Gêrnôt, Gêre und Ortwîn, A.1428
daß si ouch milte wâren, daß tâten si wol schîn.
alsô rîche gâbe si die boten buten an,
daß sis vor ir hêrren niht getorsten enphân.
Dô sprach zuo dem künege der bote Werbelîn: A.1429
‚her künec, lât iuwer gâbe hie ze lande sîn.