die hêrren riten dannen. sich leiten in daß gras
über al die knehte: si heten guot gemach.
ich wæn, in an der verte nie sô samfte geschach.
Diu edel marcgrâvinne vür die burc was gegân 1601
mit ir schœnen tohter. dô sach man bî ir stân
minneclîche vrouwen und manec schœne meit:
die truogen vil der bouge unde hêrlîchiu kleit.
Daß edele gesteine lûhte verre dan 1602
ûß ir vil rîchen wæte: si wâren wol getân.
dô kômen ouch die geste und erbeißten sâ zehant.