hei, waß man grôßer zühte   an den von Burgunden vant!

Sehs und drîßec meide   und ander manec wîp, 1603

den was wol ze wunsche   geschaffen der lîp:

die giengen in enkegene   mit manegem küenen man.

dô wart schône grüeßen   von edelen wîben getân.

Diu marcgrâvinne kuste   die künege alle drî: 1604

alsam tet ir tohter.   dô stuont Hagene bî.

ir vater hieß in küssen:   dô blicte si in an:

er dûhte si sô vorhtlîch,   daß siß vil gerne hete lân.

Doch muoste si dâ leisten,   daß ir der wirt gebôt. 1605