gemischet wart ir varwe, bleich unde rôt.
si kuste ouch Dancwarten, dar nâch den spilman:
durch sînes lîbes ellen wart im daß grüeßen getân.
Diu junge marcgrâvinne nam bî der hant 1606
Gîselher den jungen von Burgunden lant:
alsam tet ir muoter Gunther den küenen man.
si giengen mit den helden vil harte vrœlîchen dan.
Der wirt gie bî Gêrnôte in einen wîten sal. 1607
rîter unde vrouwen gesâßen dâ ze tal.
dô hieß man balde schenken den gesten guoten wîn.