den wolde ich gerne vüeren in Etzelen lant.‘
Dô diu marcgrâvinne Hagenen rede vernam, 1637
eß mande si ir leide: weinens si gezam.
dô dâhte si vil tiure an Nuodunges tôt,
den hete erslagen Witege: dâ von het si jâmers nôt.
Si sprach zuo dem degene: ‚den schilt wil ich iu geben. 1638
daß wolde Got von himele, daß er noch solde leben,
der in dâ truoc enhende! der lac in sturme tôt.
den muoß ich immer weinen: des gât mir armen wîbe nôt.‘
Diu edel marcgrâvinne von dem sedele gie, 1639