mit ir vil wîßen handen si den schilt gevie:
diu vrouwe truoc in Hagenen; er nam in an die hant.
diu gâbe was mit êren an den recken gewant.
Ein hulft von liehtem phelle ob sîner varwe lac. 1640
beßßern schilt deheinen belûhte nie der tac.
von edelem gesteine, der sîn hete begert
ze koufen, an der koste was er wol tûsent marke wert.
Den schilt hieß dô Hagene von im tragen dan. A.1641
dô begunde Dancwart hin ze hove gân.
dem gab vil rîchiu kleider des marcgrâven kint,