diu er dâ zen Hiunen truoc vil vrœlîchen sint.
Alleß, daß der gâbe von in wart genomen, 1642
in ir deheines hende wær ir niht bekomen
wan durch des wirtes liebe, derß in sô schône bôt.
sît wurden si im sô vîent, daß si in slahen muosen tôt.
Volkêr der vil snelle mit sîner videlen dan 1643
gie gezogenlîchen vür Gotelinde stân.
er videlte süeße dœne und sanc ir sîniu liet:
dâ mit nam er urloup, dô er von Bechlâren schiet.
Ir hieß diu marcgrâvinne eine lade tragen, 1644