von vriuntlîcher gâbe muget ir hœren sagen:
dar ûß nam si zwelf bouge und spien ims an die hant:
‚die sult ir hinnen vüeren in daß Etzelen lant
‚Und sult durch mînen willen si ze hove tragen: 1645
swenne ir wider wendet, daß man mir müge sagen,
wie ir mir habet gedienet dâ ze der hôhzît.‘
des diu vrouwe gerte, vil wol leistete er daß sît.
Dô sprach der wirt zen gesten: ‚ir sult dest samfter varn: 1646
ich wil iuch selbe leiten und heißen wol bewarn,
daß iu ûf der straße niemen müge schaden.‘