mit sô gar gesundem lîp, sô mêrt sich mîn klage:
mir darf niemen wîßen, swaß ich grôßes leides trage.
‚Got het mir in zeinem man ûß aller welt erkorn. b.
wær tûsent manne tugende an einem man geborn,
dannoch was ir mêre, die Sîvrit eine truoc.‘
diu vrouwe klagt vil sêre, zuo dem herzen si sich sluoc.
Schier wurden dem Bernære diu mære kunt getân. b.
dô sach man in vil drâte über den hof gân,
mit im Hilpranden nâch rîterlîchen siten:
‚vil edeliu küneginne, daß sult ir lâßen vermiten,