Hie mugt ir hœren wunder bî ungevüege sagen: 1873
niun tûsent knehte die lâgen tôt erslagen,
dar über rîter zwelfe der Dancwartes man.
man sach in alterseine noch bî den vîenden stân.
Der schal was geswiftet, der dôß was gelegen. 1874
dô blicte über ahsel Dancwart der degen:
er sprach: ‚ouwê der vriunde, die ich verloren hân.
nu muoß ich leider eine bî mînen vîenden stân.‘
Diu swert genôte vielen ûf sîn eines lîp: 1875
daß muose sît beweinen vil maneges heldes wîp.