waß hie Dietrîche von uns ze schaden sî geschehen.‘
Dô der künic Gunther bat und ouch gebôt, A.1927
si habten ûf mit swerten in des strîtes nôt.
daß was gewalt vil grôßer, daß dâ niemen sluoc.
er vrâgte den von Berne der mære schiere genuoc.
Er sprach: ‚vil edel Dietrîch: waß ist iu hie getân A.1928
vone mînen vriunden? willen ich des hân,
buoße und suone der bin ich iu bereit.
swaß iu iemen tæte, daß wær mir inneclîchen leit.‘
Dô sprach der hêrre Dietrîch: ‚mir ist niht getân. A.1929