Den von Tenemarke was vil grimme leit, 191
ir hêrre was gevangen, dô in daß was geseit.
man sagte eß sînem bruoder: toben er began
von ungevüegem zorne, wan im was leide getân.
Liudegast der rîche was gevüeret dan A.192
von Sîvrides gewalte zuo Guntheres man.
er bevalch in Hagenen: der küene recke guot,
dô er vernam diu mære, dô wart er vrœlîch gemuot.
Man hieß den Burgunden ir vanen binden an. 193
‚wol ûf,‘ sprach Sîvrit, ‚hie wirt noch mê getân,