Si vuorten doch niht mêre niuwan tûsent man, 196
dar über zwelf recken. stieben dô began
diu molte von den strâßen: si riten über lant.
dô sach man von in schînen vil manegen hêrlîchen rant.
Dô wâren ouch die Sahsen mit ir scharn komen, A.197
mit swerten wole wahsen, daß hân ich sît vernomen.
diu swert diu sniten sêre den helden an der hant:
dô wolten si den gesten weren bürge unde lant.
Der hêrren scharmeister daß volc dô vuorten dan. 198
dô was ouch komen Sîvrit mit den zwelef man,