wie ist sô vil der bürge an Rüedegêr gewant,
der er von dem künege vil manege haben mac!
er sluoc in disem sturme noch nie loblîchen slac.
‚Mich dunket, er enruoche, wie eß hier umbe gât, 2077
sît et er den vollen nâch sînem willen hât.
man giht im, er sî küener, danne ieman müge sîn:
daß ist in disen sorgen worden bœslîchen schîn.‘
Mit trûregem muote der vil getriuwe man, 2078
den er daß reden hôrte, der helt der blicte in an.
er gedâht: ‚du solt eß arnen: du gihst, ich sî verzagt: