Die vanen hieß er lâßen in dem sturme nider. 216
vrides er dô gerte; des werte man in sider;
doch muos er werden gîsel in Guntheres lant:
daß hete an im ertwungen diu küene Sîvrides hant.
Mit gemeinem râte sô ließen si den strît. 217
dürkel vil der helme und der schilte wît
si leiten von den handen: swaß sô man der vant,
die truogen bluotes varwe von der Burgunden hant.
Si viengen, swen si wolden: des heten si gewalt. A.218
Gêrnôt und Hagene, die recken vil balt,