die wunden hießen bâren:   si vuorten mit in dan

gevangen zuo dem Rîne   fünf hundert wætlîcher man.

Die siglôsen recken   ze Tenemarken riten. 219

done heten ouch die Sahsen   sô hôhe niht gestriten,

daß man in lobes jæhe:   daß was den helden leit.

dô wurden ouch die veigen   von vriunden sêre gekleit.

Si hießen ir gewæfen   soumen an den Rîn. 220

eß hete wol geworben   mit den helden sîn

Sîvrit der starke   der hete eß guot getân,

des im jehen muosen   alle Guntheres man.