Gegen Wormeß sande der hêrre Gêrnôt: A.221
heim ze sînem lande den vriunden er enbôt,
wie gelungen wære im und sînen man:
eß heten die vil küenen wol nâch êren getân.
Die garzûne liefen, von den wart eß geseit. 222
dâ vreuten sich von liebe, die ê heten leit,
dirre lieben mære, diu in dâ wâren komen.
dâ wart von edelen vrouwen michel vrâgen vernomen,
Wie gelungen wære des rîchen küneges man. A.223
man hieß der boten einen vür Kriemhilde gân.