daß geschach vil tougen, jan torstes überlût:
wan si hete dar under ein vil liebeß herzen trût.
Dô si den boten komende zir kemenâte sach, 224
Kriemhilt diu schœne vil güetlîchen sprach:
‚nu sag an liebiu mære: jâ gib ich dir mîn golt;
tuostuß âne triegen, ich wil dir immer wesen holt.
‚Wie schiet ûß dem strîte mîn bruoder Gêrnôt A.225
und ander mîne vriunde? ist uns iht maneger tôt?
oder wer tet daß beste? daß soltu mir sagen.‘
dô sprach der bote biderbe: ‚wir heten ninder einen zagen.