Dô sluog er Volkêren, daß im diu helmbant 2224
stuben allenthalben zuo des sales want
von helm und ouch von schilte dem küenen spilman;
dâ von der starke Volkêr dô den ende dâ gewan.
Dô drungen zuo dem strîte die Dietrîches man. 2225
si sluogen, daß die ringe vil verre dræten dan
und daß man ort der swerte vil hôhe vliegen sach.
si holten ûß den helmen den heiße vließenden bach.
Dô sach von Troneje Hagene Volkêren tôt: 2226
daß was zer hôhgezîte sîn aller meistiu nôt,