die er dâ hete gewunnen an mâge und ouch an man.
ouwê, wie harte Hagene den helt dô rechen began!
‚Nu ensol sîn niht genießen der alte Hildebrant: 2227
mîn helfe lît erslagene von des heldes hant,
der beste hergeselle, den ich ie gewan.‘
den schilt den ructer hôher: dô gie er houwende dan.
Helfrîch der starke Dancwarten sluoc. A.2228
Gunther unde Gîselher den was eß leit genuoc,
dô si in sâhen vallen in der starken nôt.
er het mit sînen handen wol vergolten sînen tôt.