Swie vil von manegen landen   gesamnet wære dar, C.

vil vürsten krefteclîche   gegen ir kleinen schar,

wæren die kristen liute   wider si niht gewesen,

si wæren mit ir ellen   vor allen heiden wol genesen.

Die wîle gie ouch Wolfhart   beidiu wider unde dan, 2229

alleß houwende   die Guntheres man.

er was die driten kêre   nu komen durch daß wal:

dâ viel von sînen handen   vil manec recke ze tal.

Dô rief der starke Gîselher   Wolfharten an: 2230

‚ouwê, daß ich sô grimmen   vîent ie gewan!