er sol des niht enkelten, daß irn gebunden sehet stân.‘
Dô hieß si vüeren Hagenen an sînen ungemach, 2293
dâ er lac besloßßen und dâ in niemen sach.
Gunther der künic edele rüefen dô began.
‚war kom der helt von Berne? der hât mir leide getân.‘
Dô gie im hin engegene der hêrre Dietrîch. 2294
Guntheres ellen daß was vil lobelîch;
do enbeit ouch er niht mere, er lief her vür den sal.
von ir beiden swerten huob sich ein grœßlîcher schal.
Swie vil der hêrre Dieterîch lange was gelobt, 2295