»I denk wohl. An Schuß hab i aa g'hört. Dös muaß er g'wesen sei. Ach, do is er scho.«
»No, was is?« wandte er sich an den Anderl, der eben eintrat und Hut und Büchse an den Rahmen hing.
»Grüaß Gott, Vata! A Bock is, aba z'erscht müaß'n ma'n suacha. Grüaß Di Gott, Muatta! Was kochst denn auf?«
»Dös is bei Dir allaweil 's erst,« erwiderte die Alte und gab dem Burschen lachend die Hand.
»No, und warum hast den Bock net kriagt?« mischte sich der Vater wieder ein. »Wo hast'n denn hi'g'schossen?«
Der Anderl kratzte sich verlegen hinter dem Ohre.
»I glaab schier gar, a bissel woadwund.«
»Bist halt a Patzer, solang'st warm bist. Hast Da halt wieder amal net Zeit lassen?«
»I hab scho koa Zeit g'habt. Dös hat g'schwind geh' müassen. Aber da Sprengelsperger moant aa, mir hamm an schnell mit'n Hund.«