„Da gibt’s nix,“ sagte Schorschl, „bal ich amal mit einer Dame beisammen bin ...“
„Sie sind einer!“
„In Freising, wia ’r i studiert hab’, da hat amal oana auf an Ball meiner Dame auf ’n Fuaß tret’n. Dem hab i a paar abazog’n und hab’n über d’ Stiag’n abi g’schmiss’n, daß er dös halbe G’lander mitg’numma hat ...“
„Jessas Maria!...“
„Und amal hat inser Verbindung a Gartenfest g’habt ...“
„Waren’s bei an Studentenkorps?“
„Bei der Cerevisia in Weihenstephan in der Brauschul’ ... und da hamm mir a Gart’nfest g’habt, und da hat oana mit meiner Dame ’s Speanzeln o’g’fangt ... dem hab i aa zoagt, wo der Bartl an Most holt ...“
„Sie sind g’wiß ein rechter Don Schuang g’wesen?“
„Han?“
„Daß Sie recht poussiert hamm?“