„Ja ... red! Und du muaßt aa no dazua helf’n!“
„I? Zu was?“
„De Pistol’n herricht’n, gel, daß de eahna Duwäldummheit ausführ’n kinna!“
„Was denn für a Duwäl?“
„Du woaßt nix, du Schlaucherl!“
„I woaß aa nix. Mach’ halt amal ’s Maul auf!“
„So, woaßt d’ net, daß de an Pfaffinger Schorschl o’stift’n möcht’n, er müaßt si duwelieren, weil er an Tresser a richtige Pretsch’n geb’n hot, wia ’s a si g’hört. Vo dem host du no gar nix läut’n hör’n?“
Reindl pfiff durch die Zähne.
„So? Dös waar’s?“
„Ja, dös waar’s, und du bist der Dumm’ und laßt di in de G’schicht einiziahg’n ...“