„... Also ...“
„Und a Stuck an achtz’g Küah im Stall ... der soll si ...? Geh! Wia no a Mensch so daher red’n ko!“
„Wenn du oan net red’n laßt und all’s besser woaßt, na brauch ja i net red’n,“ schrie Elfinger, den der Zorn wieder ins Altbayerische brachte.
„Für dös red’n kriagst d’ nix,“ erwiderte der Herr Magistratsrat Trinkl mit gleichfalls erhobener Stimme. „Kam er do mit sein Student’nschmarr’n daher! A Duwäl! Ah! Ah! da kunnt’st scho Grean Baamwirt wer’n!“
„Wenn er an Ehr im Leib hat ... vastehst!“
„An Ehr! Woaßt, was da Pfaffinger Schorschl hat? An Diridari hat a! Maxi hat a! Und auf dei Ehr is ...“
„Mit dir ko ma net streit’n; dös woaß ma scho! Weil du a Hammi bist!“
„I?“
„Ja du! Für dös bist du bekannt in ganz Dornstoa!“
„Ah! Der is guat! Was bist na du?“