Hominum, aut negoti si quando odium ceperat,
Requiescere ubi volebat, quasi: nostin? G. scio:
Quasi ubi illam expuerat miseriam ex animo. T. tenes.
Tum me convivam solum abducebat sibi. G. hui,
Regem elegantem narras. T. immo sic homo
Est, perpaucorum hominum. G. immo nullorum arbitror,
Si tecum vivit. T. invidere omnes mihi,
Mordere clanculum: ego non flocci pendere.
Illi invidere misere, verum unus tamen,
Impense, elephantis quem Indicis praeceferat.