93. Ik will Dine Befehle nie un nümmer vergeten, denn Du erquickst mi darmit.

94. Ik bün Din, help mi, denn ik sök Dine Befehle.

95. De Gottlosen luert up mi, dat se mi umbringen doht, ik awer mark up Din Tügnisse. Ps. [37, 32.]

96. Ik hef dat End vun alle Ding sehn, awer Din Gebot blift.

97. Wa leef hef ik doch Din Gesetz. Däglich red ik darvun. Ps. [1, 2.]

98. Du makst mi mit Din Gebot wieser as mine Fiende sünd, denn dat is ewig min Schatz. 5. Mos. 4, 8.

99. Ik bün gelehrter as all mine Lehrers, denn Dine Tügnisse sünd min Red.

100. Ik bün klöker as de Olen, denn ik hol Dine Befehle.

101. Ik hol min Fot af vun alle bösen Weg’, dat ik Din Wort hol.