14. Un leet Israel dar dörch gahn, denn Sin Gudheit besteiht up ewig.

15. De Pharao un sin Heer in dat Schilfmeer stöten dä, denn Sin Gudheit besteiht up ewig. 2. Mos. 14, 26.

16. De Sin Volk dörch de Wüstenie föhrn dä, denn Sin Gudheit besteiht up ewig.

17. De grote Könige slagen dä, denn Sin Gudheit besteiht up ewig.

18. Un mächtige Könige umbroch, denn Sin Gudheit besteiht up ewig. Ps. [135, 10.]

19. Sihon, den König vun de Amoriter, denn Sin Gudheit besteiht up ewig. 4. Mos. 21, 34. 35.

20. Un Og, den König to Basan, denn Sin Gudheit besteiht up ewig.

21. Un gev ehr Land to en Arvdeel, denn Sin Gudheit besteiht up ewig.

22. To en Arvdeel an Sin Knecht Israel, denn Sin Gudheit besteiht up ewig.

23. Denn He dach an uns, as wi unnerdrückt weern; denn Sin Gudheit besteiht up ewig.