28. So si jug dat kund dahn, dat de Heiden sendt is düt Heil vun GOtt, un se ward dat hörn. Kap. [13, 38.] [46.] Ps. [18, 45.]
29. Un as he düt reden dä, gungen de Juden hen un harn veel Fragen mank ehr sülvst.
30. Paulus awer blev twee Jahr in dat Hus wat he hürt har un neem an alle, de to em keemen,
31. Predig dat Riek GOttes un lehrde vun den HErrn JEsus mit grote Frimödigkeit, ahn dat em dat een wehrn dä.
De Epistel St. Pauli an de Römer.
Dat 1. Kapitel.
1. Paulus, JEsus Christus sin Knecht, beropen to en Apostel, utsonnert to predigen dat Evangelium vun GOtt, Apost. [9, 15.] [13, 2.] Gal. [1, 15.]
2. Wat He tovör toseggt hett dörch Sine Propheten in de hillige Schrift, Tit. [1, 2.] Apost. [3, 21.]
3. Vun Sinen Söhn, de geboren is vun David sinen Samen, na dat Fleesch, 2. Sam. 7, 12.