De 34. Psalm.
1. En Psalm vun David, as he sin Geberde verstellen dä vör Abimelech, de em vun sik drieven dä, un he weggung. 1. Sam. 21, 13.
2. Ik will den HErrn alltied laven, Sin Lof schall immerdar in min Mund sin. Ps. [63, 5.]
3. Min Seel schall vun den HErrn grotspreken, dat de Elenden dat hört un sik freuen doht. Jer. 9, 24.
4. Priest mit mi den HErrn un lat uns mit eenanner Sin Namen verhögen. Ps. [145, 1.]
5. Do ik den HErrn söken dä, antworde He mi un rett mi ut alle Furcht.
6. De Em ansehn doht, de ward vergnögt, un ehr Angesicht dörf nich roth warrn.
7. As düsse Elende ropen dä, hörte de HErr, un holp em ut all sin Noth. Sir. 21, 6.
8. Den HErrn Sin Engel lagert sik um de her, de Em fürchten doht un helpt se rut. 1. Mos. 31, 1. 2. 2. Kön. 6, 17. Ps. [91, 11.]
9. Smeckt un seht, wa fründlich de HErr is. Wol den, de sik up Em verlaten deiht! Ps. [2, 12.]