14. GOtt, Din Weg is hillig. Wo is so en mächtigen GOtt, as Du, GOtt, büst?
15. Du büst de GOtt, de Wunner deiht. Du hest Din Macht bewiest mank de Völker. Ps. [98, 1.]
16. Du hest Din Volk erlöst gewaltiglich, Jakob un Joseph sin Kinner. Sela.
17. De Waters segen Di, GOtt, de Waters segen Di un warn bang un de Deepen bewerten.
18. De dicken Wolken goten Water, de Wolken dunnerten, un de Strahlen fohrn daher. Ps. [29, 3.]
19. Dat dunnerte in den Himmel, Din Blitze lüchten up den Eerdboden, dat Eerdriek rögte sik un bewerte darvun.
20. Din Weg weer in de See un Din Stieg in grote Waters un man spörte doch Din Fot nich.
21. Du föhrtest Din Volk as en Heerde Schap, dörch Moses un Aaron. 2. Mos. 12, 37. 14, 22.
De 78. Psalm.
1. En Unnerwiesung vun Asaph.