den schatz weiß nu nieman wan Got unde mîn:
der sol dich vâlentinne immer gar verholn sîn.‘
Si sprach: ‚sô habt ir übele geltes mich gewert; 2309
sô wil ich doch behalten daß Sîvrides swert.
daß truoc mîn holder vriedel, dô ich in jungist sach,
an dem mir herzen leide vor allem leide geschach.‘
Si zôch eß von der scheide: daß kunder niht erwern. 2310
dô dâhte si den recken des lebenes behern.
si huob eß mit ir handen, daß houbet si im abe sluoc.
daß sach der künic Etzele: dô was im leide genuoc.