dô wart vil michel vlîßen von schœnen vrouwen getân
Mit wæte und mit gebende, daß si dâ solten tragen. A.262
Uote diu vil rîche diu mære hôrte sagen
von den stolzen recken, die dâ solden komen:
dô wart ûß der valde vil rîcher kleider genomen.
Durch ir kinde liebe hieß si bereiten kleit; A.263
dâ mite wart gezieret vil vroun und manec meit
und vil der jungen recken ûß Burgunden lant.
si hieß ouch vil der vremden brüeven hêrlîch gewant.