Âventiure
wie Sîvrit Kriemhilt êrste gesach.

Man sach si tegelîchen nu rîten an den Rîn, III.264

die zer hôhgezîte gerne wolden sîn.

die durch der künege liebe kômen in daß lant,

den bôt man sumelîchen beidiu ros und gewant.

In was ir gesidele allen wol bereit, 265

den hôhsten und den besten, als uns daß ist geseit,

zwein und drîßec vürsten, dâ zer hôhgezît:

dâ zierten sich engegene alle vrouwen wider strît.