Eß was dâ vil unmüeßec Gîselher daß kint. 266

die geste mit den kunden vil güetlîchen sint

die enphieng er und Gêrnôt und ouch ir beider man:

jâ gruoßten si die degene, als eß nâch êren was getân.

Vil goltrôter setele si vuorten in daß lant, 267

zierlîche schilde und êrlîch gewant

brâhten si ze Rîne zuo der hôhgezît.

manegen ungesunden sach man vrœlîchen sît.

Die in den betten lâgen und heten wunden nôt, 268

die muosen des vergeßßen, wie herte was der tôt.