sine mohte mit ir kreften des schußßes niht gestân;
eß enhete der künic Gunther in triuwen nimmer getân.
Prünhilt diu schœne balde ûf spranc: 434
‚edel rîter Gunther, des schußßes habe danc.‘
si wânde, daß erß hête mit sîner kraft getân;
nein, si hete gevellet ein verre kreftiger man.
Dô gie si hin balde, zornec was ir muot: 435
den stein huop vil hôhe diu edel maget guot.
si swanc in krefteclîche verre von der hant:
dô spranc si nâch dem wurfe, daß lûte erklang ir gewant.