nu lât iuwer weinen: si wellent schiere komen.‘
si hete in manegen zîten sô lieber mære niht vernomen.
Mit snêwîßen gêren ir ougen wol getân B.
wischte si nâch trehenen. danken si began
dem boten dirre mære, diu ir dâ wâren komen.
dô was ir michel trûren unde weinen benomen.
Si bat den boten sitzen: des was er vil bereit. 520
dô sprach diu minneclîche: ‚mir wære niht ze leit,
ob ich ze boten miete iu solte geben mîn golt:
dar zuo sît ir ze rîche: ich wil iu sust wesen holt.‘