oder iu geschihet hie von mînen handen wider wê.‘
Dô hal er sîne stimme, daß er niht ensprach. A.615
Gunther wol hôrte, swie er si niht ensach,
daß dâ heimlîche von in niht geschach;
si heten an dem bette harte kleinen gemach.
Er gebârte, sam eß wære Gunther der künic rîch; 616
er umbeslôß mit armen die maget lobelîch.
si warf in ûß dem bette dâ bî ûf eine banc,
daß sîn houbet lûte an eime schamel im erklanc.
Wider ûf mit kreften spranc der küene man: 617