er woldeß baß versuochen: dô er des began,
daß er si wolde twingen, dar umbe wart im wê.
solich wer an vrouwen ich wæne nimmer ergê.
Dô er niht wolde erwinden, diu maget ûf spranc: A.618
‚iu zimet niht zefüeren mîn hemde sô blanc.
ir sît ungevüege: daß sol iu werden leit.
des bringe ich iuch wol innen,‘ sprach diu wætlîche meit.
Si beslôß mit armen den tiuwerlîchen degen 619
und wold in gebunden alsam den künic legen,
daß si an dem bette hete guot gemach.